លេខអាយម៉ី គឺជាលេខអត្តសញ្ញាណអន្តរជាតិសម្រាប់សម្គាល់ទូរសព្ទចល័តឬឧបករណ៍ទូរគមនាគមន៍ប្រើស៊ីមដែលមានចំនួន ១៥ (ដប់ប្រាំ) ខ្ទង់។

លេខអាយម៉ី អាចត្រូវបានស្វែងរកដូចខាងក្រោម៖

• ចុច *#06# នៅលើផ្ទាំងលេខនៃទូរសព្ទចល័តរបស់អ្នក
• ស្វែងរកនៅលើប្រអប់ដើមដែលភ្ជាប់មកជាមួយទូរសព្ទចល័ត
• នៅក្នុងមុខងារ “ការកំណត់” (Settings) នៃទូរសព្ទចល័តរបស់អ្នក។

សម្គាល់៖ នៅក្នុងទូរសព្ទចល័តមួយ អាចមានលេខអាយម៉ីលើសពីមួយ ទៅតាមចំនួនស៊ីម (ស៊ីមកាតនិងអ៊ីស៊ីម) ដែលប្រើប្រាស់បាន។

ស្ថានភាពលេខអាយម៉ីនៃ​ទូរសព្ទចល័ត អាចត្រូវបានពិនិត្យតាមរយៈប្រព័ន្ធ EIRS ដូចខាងក្រោមៈ

• វេបសាយ: www.eirs.gov.kh
• កម្មវិធីទូរសព្ទចល័ត: ទាញយកកម្មវិធី “IMEI KH” ពី App Store, Play Store ឬ AppGallery
• សេវាយូ.អេស.អេស.ឌី (USSD): ចុច *1205# រួចចុចបញ្ជូន និងអនុវត្តតាមការណែនាំ
• សេវាសារខ្លី (SMS):វាយ CHK<ដកឃ្លា><លេខអាយម៉ី១៥ខ្ទង់> រួចចុចបញ្ជូនទៅលេខ 1205

សម្គាល់៖ ទូរសព្ទចល័តមួយ អាចមានលេខអាយម៉ីលើសពីមួយ ដូចនេះ លោកអ្នកគួរពិនិត្យស្ថានភាពលេខអាយម៉ីទាំងអស់ដែលមានក្នុងទូរសព្ទចល័តនោះ។

តាមរយៈប្រព័ន្ធ EIRS លេខអាយម៉ីត្រឹមត្រូវគឺសំដៅដល់លេខចំនួន ១៥ខ្ទង់ដែលទទួលស្គាល់ដោយសមាគមជីអេសអឹម (GSMA) និងស្របតាមលក្ខខណ្ឌផ្សេងទៀតដែលកំណត់ដោយរាជរដ្ឋាភិបាល។

ដោយឡែក លេខអាយម៉ីទាំងឡាយណាដែលផ្ទុយពីខ្លឺមសារខាងលើគឺជាលេខអាយម៉ីមិនត្រឹមត្រូវ។

សម្គាល់៖ សូមកុំទិញទូរសព្ទចល័តឬឧបករណ៍ទូរគមនាគមន៍ប្រើស៊ីមទាំងឡាយណា ដែលមានលេខអាយម៉ីមិនត្រឹមត្រូវមកប្រើប្រាស់។

លេខអាយម៉ីដែលបានចុះបញ្ជីទៅក្នុងប្រព័ន្ធ EIRS គឺសំដៅដល់លេខអាយម៉ីទាំងឡាយណា ដែលបានកត់ត្រានៅក្នុងប្រព័ន្ធ EIRS និងត្រូវបានអនុញ្ញាតឱ្យដំណើរការនៅក្នុងប្រទេសកម្ពុជា។

ទូរសព្ទចល័តឬឧបករណ៍ទូរគមនាគមន៍ប្រើស៊ីម តម្រូវឱ្យចុះបញ្ជីលេខអាយម៉ីទៅក្នុងប្រព័ន្ធ EIRS ដើម្បីអាចប្រើប្រាស់ជាមួយបណ្តាញទូរសព្ទចល័តនៅប្រទេសកម្ពុជាបាន។

មិនមានទាល់តែសោះ! វានឹងមិនមានផលប៉ះពាល់អ្វីទាំងអស់ដល់ទូរសព្ទចល័ត​ឬឧបករណ៍ទូរគមនាគមន៍ប្រើស៊ីម ដែលកំពុងប្រើប្រាស់លើបណ្តាញទូរសព្ទចល័តនៅប្រទេសកម្ពុជា ហើយរាល់សេវាកម្មទូរសព្ទចល័តទាំងអស់នៅដំណើរការជាធម្មតានៅពេលដាក់ឱ្យដំណើរការប្រព័ន្ធ EIRS ។

ដើម្បីការពារទូរសព្ទចល័តឬឧបករណ៍ទូរគមនាគមន៍ប្រើស៊ីមរបស់អ្នកពីការលួច ការក្លែងបន្លំ និងការនាំចូលខុសច្បាប់។

ការផ្ទៀងផ្ទាត់លេខអាយម៉ី គឺធានាថាទូរសព្ទចល័តឬឧបករណ៍ទូរគមនាគមន៍ប្រើស៊ីមរបស់អ្នកត្រូវបានទទួលស្គាល់ដើម្បីបន្តដំណើរការក្នុងប្រទេសកម្ពុជា។

ទូរសព្ទចល័តដែលមានលេខអាយម៉ីមិនត្រឹមត្រូវ នឹងត្រូវបានអនុញ្ញាតឱ្យចុះបញ្ជីទៅក្នុងប្រព័ន្ធ EIRS ដើម្បីបន្តប្រើប្រាស់លើបណ្តាញទូរសព្ទចល័ត បន្ទាប់ពីដាក់ឱ្យដំណើរការប្រព័ន្ធនេះជាផ្លូវការ រហូតដល់មានការជូនដំណឹងជាថ្មី។

សម្គាល់៖ សូមកុំទិញទូរសព្ទចល័តឬឧបករណ៍ទូរគមនាគមន៍ប្រើស៊ីមទាំងឡាយណា ដែលមានលេខអាយម៉ីមិនត្រឹមត្រូវមកប្រើប្រាស់។

គិតចាប់ពីថ្ងៃប្រកាសដាក់ឱ្យដំណើរការប្រព័ន្ធ EIRS ជាផ្លូវការ សម្រាប់ការចុះបញ្ជីលេខអាយម៉ីទៅក្នុងប្រព័ន្ធ EIRS ត្រូវបានដំណើរការ ដូចខាងក្រោម៖

• រាល់ទូរសព្ទចល័តឬឧបករណ៍ទូរគមនាគមន៍ប្រើស៊ីម ដែលកំពុងប្រើប្រាស់លើបណ្តាញទូរសព្ទចល័តនៅកម្ពុជា នឹងត្រូវបានចុះបញ្ជីលេខអាយម៉ីដោយស្វ័យប្រវត្តិទៅក្នុងប្រព័ន្ធ EIRS ​។
  
• ចំពោះទូរសព្ទចល័តដែលមិនទាន់បានប្រើប្រាស់លើបណ្តាញទូរសព្ទចល័តនៅប្រទេសកម្ពុជា នឹងត្រូវចុះបញ្ជីលេខអាយម៉ីដោយស្វ័យប្រវត្តិទៅក្នុងប្រព័ន្ធ EIRS​ បានដែរ ដោយគ្រាន់តែដាក់ស៊ីមឱ្យដំណើរការ ​រួចធ្វើការហៅទូរសព្ទចេញឬផ្ញើសារខ្លីទៅលេខទូរសព្ទណាមួយជាការស្រេច។ ដំណើរការចុះបញ្ជីនេះនឹងរួចរាល់ក្នុងអំឡុងពេល ៧២ម៉ោង​យ៉ាងយូរ។

គ្រប់ទូរសព្ទចល័តឬឧបករណ៍ទូរគមនាគមន៍ប្រើស៊ីមទាំងអស់ដែលប្រើប្រាស់ស៊ីមនៃប្រតិបត្តិករទូរសព្ទចល័តនៅក្នុងប្រទេសកម្ពុជា ត្រូវតែចុះបញ្ជីទៅក្នុងប្រព័ន្ធ EIRS ។

ពិតណាស់! សូមពិនិត្យស្ថានភាពលេខអាយម៉ីទាំងអស់ដែលមានក្នុងទូរសព្ទចល័តតាមរយៈប្រព័ន្ធ EIRS ជាមុនសិន មុននឹងសម្រេចចិត្តទិញទូរសព្ទចល័តទាំងនោះមកប្រើប្រាស់។

សម្គាល់៖ សូមកុំទិញទូរសព្ទចល័តឬឧបករណ៍ទូរគមនាគមន៍ប្រើស៊ីមទាំងឡាយណា ដែលមានលេខអាយម៉ីមិនត្រឹមត្រូវមកប្រើប្រាស់។

ពិតជាអាច! លោកអ្នកអាចយកទូរសព្ទចល័តពីក្រៅប្រទេសមកប្រើប្រាស់ផ្ទាល់ខ្លួនជាមួយស៊ីមនៃប្រតិបត្តិករទូរសព្ទចល័តនៅក្នុងប្រទេសកម្ពុជាបានជាធម្មតា ដោយគ្រាន់តែអនុវត្តតាមច្បាប់ និងបទប្បញ្ញតិ្តពាក់ព័ន្ធនៃព្រះរាជាណាចក្រកម្ពុជា។

ភ្ញៀវទេសចរដែលប្រើប្រាស់ស៊ីមនៃប្រតិបត្តិករទូរសព្ទចល័តនៅក្នុងប្រទេសកម្ពុជា នឹងត្រូវបានចុះបញ្ជីលេខអាយម៉ីនៃទូរសព្ទចល័តរបស់គាត់ដោយស្វ័យប្រវត្តិទៅក្នុងប្រព័ន្ធ EIRS ។

ដោយឡែក ភ្ញៀវទេសចរដែលប្រើប្រាស់ស៊ីមអន្តរជាតិ ទូរសព្ទចល័តរបស់គាត់នៅដំណើរការធម្មតាជាមួយសេវារ៉ូមីង។

ពិតជាចាំបាច់ណាស់! អ្នកគួរតែចងចាំលេខអាយម៉ីនៃទូរសព្ទចល័តរបស់ខ្លួនដើម្បីប្រើប្រាស់ក្នុងលក្ខខណ្ឌចាំបាច់ណាមួយនៅថ្ងៃខាងមុខ ដូចជាករណី ចោរកម្ម ឬបាត់ទូរសព្ទជាដើម។

ការចុះបញ្ជីលេខអាយម៉ី គឺជាការកត់ត្រាលេខអត្តសញ្ញាណទូរសព្ទចល័តឬឧបករណ៍ទូរគមនាគមន៍ប្រើស៊ីមទៅក្នុងប្រព័ន្ធ EIRS តែប៉ុណ្ណោះ ដោយមិនតម្រូវឱ្យផ្តល់ព័ត៌មានអត្តសញ្ញាណនៃអ្នកប្រើប្រាស់ឡើយ។

ពិតជាបាន! ប្រព័ន្ធ EIRS មានមុខងារផ្អាកដំណើរការទូរសព្ទចល័តឬឧបករណ៍ទូរគមនាគមន៍ប្រើស៊ីមដែលបាត់ឬត្រូវគេលួចតាមរយៈលេខអាយម៉ី។ មុខងារនេះនឹងត្រូវបានដាក់ឱ្យដំណើរការនាពេលខាងមុខ ដោយរាជរដ្ឋាភិបាលកម្ពុជា។

ប្រព័ន្ធ EIRS ទទួលព័ត៌មានឧបករណ៍ពីសមាគមជីអេសអឹម (GSMA) និងក្រុមហ៊ុនផលិត។ ពេលខ្លះ ក្រុមហ៊ុនផលិតប្រើឈ្មោះម៉ូដែលឬលេខម៉ូដែលផ្សេងគ្នាសម្រាប់ការងារទីផ្សារ ដូចនេះប្រព័ន្ធ EIRS បង្ហាញតែឈ្មោះម៉ូដែលឬលេខម៉ូដែលផ្លូវការតែប៉ុណ្ណោះ ដែលអាចខុសគ្នាបន្តិចបន្តួចពីអ្វីដែលបានបង្ហាញនៅលើទូរសព្ទចល័ត។

សូមទូរសព្ទទៅកាន់លេខ 1205 ដោយឥតគិតថ្លៃ ឬចូលទៅកាន់វេបសាយ www.eirs.gov.kh ដើម្បីទទួលបានព័ត៌មានបន្ថែម។